SHAYARI - The Beauty of Words...


Ye shayari likhna unka kaam nahi,
Jinke dil aankhon me basa karte hai.
Shayari toh voh sakhas likhte hai,
Jo sharab se nahi, kalam se nasha karte hai.

Jo likhe hum kuch dil se toh,
Charche humare sareaam hote hai.
Par kya jaane voh tareef karne wale ki,
Shayari me chhupe aansuo ke kitne jaam hote hai.

Yuhi nahi ban jaata hai koi shayar,
Har shayari me kuch paigaam hote hai.
Mehfil me muskura liye toh kya hua,
Tanha aashkon se bhige toh hum har shaam hote hai.

Kalam toh hum sabhi uthate hai,
Par dil ka haal bayan na kar paate hai.
Ye toh kuch aise jhakham hai zindgi ke,
Jise waqt ke vaar bhi na bhar paate hai.

Na the aadi hum peene ke,
Kisi ki yaadon me peena seekh gaye.
Kabil na the hum toh likhne ke,
Toota jo dil toh likhna seekh gaye.

Chahe shayari ho ya koi kavita,
Ish duniya me toh sab kuch bika hai.
Tumhe ye shayari lage toh kya,
Mainey toh isey aansuo me bhigo ke likha hai.


Mehfil me log hume shayar bulate hai,
Na aaye hum toh humari shayari sunate hai.
Par voh kya jaane ki humare yahi alfaaz,
Tanhaayi me humein kitna rulate hai.

Ye syahi nahi lahu hai mere dil ka,
Ye kalam nahi aaina hai mere dil ka.
Tum chahe isey jis naam se pukaro,
Ye shayari nahi dard hai mere dil ka.

Agar mil jaata maangene se jo ho armaano me,
Toh yuh na sajti ye mehfilen maikhano me.
Kehte hai har jaam me chhupi hoti hai ek shayari,
Toh dekh lena peene se pehle apne paimaano me,

Kabhi khushiya humari aur hum khushiyon ki shaan the,
Apne kya hum toh gairon ki khushi pe bhi kurbaan the.
Aaj apne gam shayari se bayan kar rahe hai toh kya hua,
Kabhi ek waqt hum bhi mehfilon ki jaan the.

Chahe ye kalam haatho me hardum na hongi,
Par dil me ye shayariyan ab kabhi kam na hongi.
Ho dard jo dil me toh he aana mehfil me,
Kyun ki sooni rahegi mehfil jo aankhen nam na hongi.

Ye keh kar hume tum baigana na samajhna,
Ki hum khushiyo me saath nahi nibhate hai.
Waqt apna ho toh dushman bhi saath ho jaate hai,
Hum toh shayar hai, hum gam ko bhi jeena sikhate hai.